...í hita leiksins

Nýtt heimili

2006-04-28T07:44:00.000-07:00

Ég er flutt... flutt frá blogspot og komin yfir á blog.is, nánar til tekið http://www.kojo.blog.is

Sjáumst þar kæru lesendur, ef einhverjir eru!

KoJo

Já hér er ég!

2006-04-27T12:04:00.000-07:00

Já kæru aðdáendur! Ég drattaðist til að borga net-reikninginn í dag og því er ég komin með netið í Grindavík eins og til hefur staðið lengi lengi. Ég ákvað því í tilefni af því, að setja inn nokkrar myndir af hundinum og kettinum, þeim Töru og Láka. Myndirnar eru frá ýmsum tímbabilum, og ég byrja á elstu myndunum.
Látið ykkur ekki bregða þó Tara, "hvolpurinn" okkar stækki svoldið á hverri mynd, hún er nefnilega alls ekkert löt við að stækka!
Hér kemur þetta:

Síkát í góða veðrinu

2006-02-25T06:30:00.000-08:00

Já sko, það er nú bara þannig, lesendur góðir, að þegar maður er með fjagra mánaða hvolp og lítinn kisustrák, þá er maður ekkert mikið að sitja við veraldarvefinn og blogga út og suður.
En jújú, ég bý ennþá í Grindavíkinni og það er bara svei mér þá déskoti ljúft. Gengur bara líka ljómandi vel í kvöldskólanum og allt í gúddí.
Hvolpurinn sem ég nefndi hér fyrr í pistli mínum heitir Tara, og er 3/4 belgískur Schieffer og 1/4 evrópskur Doberman. Þetta er lítill skæruliði sem nagar allt sem nagað verður og að sjálfsögðu tekur þetta svoldið í þolinmæðistaugarnar, en allt streðið er svo innilega þess virði. Set kannski inn einhverjar myndir við tækifæri en æstir lesendur verða bara að bíða rólegir.
Segi þetta gott í bili, góða veðrið varir aldrei lengi, svo ég er stokkin út!
Þangað til næst (sem er alls ekkert víst hvenær verður..)
Kolbrún Síkáta Jónsdóttir

Jájájá

2006-01-17T10:00:00.000-08:00

Jebb, mín er flutt í Grindavík.
Er í skólanum á fullu, og já, ég keyri á milli. Tekur mig 40 mínútur. Svipað og að keyra úr Grafarvogi niður í bæ á háannatíma, svona til viðmiðunar. Alveg hreint ótrúlegt hvað innfæddir borgarbúar mikla 52 kílómetra fyrir sér. Í þokkabót er ég á bíl sem eyðir svo litlu bensíni að ég held hann framleiði það frekar. Micran klikkar ekki.
Njálsgatan var semsagt ekki alveg að gera sig fyrir mig, sagði elskunni upp eins og hún lagði sig og kvaddi, alla fimmtán fermetrana. Já þetta er litskrúðugt líf og skemmtilegt, svei mér þá.
Íbúðin í tvöhundruðogfjörutíu Grindavík er eitthvað á milli 60 og 70 fermetrar, þriggja herbergja kot, sérdeilis kósí. Um mánaðamótin flytur einn lítill kútur inn til okkar, hann Láki litli. Hann er mjög loðinn og kelinn, enda ekki nema 8 vikna kisustrákur. Hann er víst hálfur skógarköttur, svo eitthvað á skottið á kauða eftir að blása út. Þetta verður áhugavert.

Ekki meira í bili, vinnan kallar.

Sprellalive

2005-12-01T11:35:00.000-08:00

Nei nei, ég er ekki dáin. Síður en svo, lifandi sem aldri fyrr.
Er bara lítið við tölvuna í tómstundum mínum, ótrúlegt en satt.
Vinn af krafti og fer svo aftur í skólann eftir áramót. Það verður sko tekið á því þar skal ég ykkur segja.
Ekki fleiri mikilmennskubrjálæðishugrenningar í bili.

Lifið heil.

Anusfruss í útvarpinu

2005-11-08T10:08:00.000-08:00

Já, þetta var ég á XFM 91.9 í morgun..
Sófi, e-pillur og skítaklám
Djöfulsins klassík.

Nasa á föstudagskvöldið

2005-11-07T03:37:00.000-08:00

Misstress Barbara var ótrúleg.
Eitt það magnaðasta sem ég hef upplifað.
Lítið meira um það að segja svosem.

Vinnan mín

2005-11-04T20:05:00.000-08:00

Daft Punk lýsir vinnunni minni ágætlega með texta sínum við lagið Technologic.

Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it,
Lock it, fill it, call it, find it,
View it, code it, jam- unlock it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Touch it, bring it, pay it, watch it,
Turn it, leave it, start- format it. [2x]

Technologic **
Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it,
Lock it, fill it, call it, find it,
View it, code it, jam- unlock it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Touch it, bring it, pay it, watch it,
Turn it, leave it, start- format it.
Buy it, use it, break it, fix it,
Trash it, change it, melt- upgrade it,

Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it
Touch it, bring it, pay it, watch it,
Turn it, leave it, start- format it.

Surf it, scroll it, pause it, click it,
Cross it, crack it, switch- update it

Lock it, fill it, call it, find it,
View it, code it, jam- unlock it,
Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Touch it, bring it, pay it, watch it,
Turn it, leave it, start- format it.
Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Touch it, bring it, pay it, watch it,
Turn it, leave it, start- format it.
Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Buy it, use it, break it, fix it,
Trash it, change it, melt- upgrade it,
Charge it, point it, zoom it, press it,
Snap it, work it, quick- erase it,
Write it, cut it, paste it, save it,
Load it, check it, quick- rewrite it,
Plug it, play it, burn it, rip it,
Drag and drop it, zip- unzip it,
Lock it, fill it, call it, find it,
View it, code it, jam- unlock it,
Surf it, scroll it, pause it, click it,
Cross it, crack it, switch- update it,
Name it, rate it, tune it, print it,
Scan it, send it, fax- rename it,
Touch it, bring it, pay it, watch it,
Turn it, leave it, start- format it.

Technologic

Prufa

2005-11-02T03:27:00.000-08:00

Var að prófa að taka upp í Windows Sound Recorder.
Gat bara tekið upp eina mínútu í einu, og spila því stuttu og hröðu útgáfuna, en hér er afraksturinn:
(Gæti tekið augnablið að hlaða þeim niður, bíðið stutta stund)

http://www.theinternet.is/4.wav
http://www.theinternet.is/lag.wav

Sleiti

2005-10-28T17:44:00.000-07:00

Mmmm... Það er kalt í herberginu, kaldara en venjulega þegar ég vakna.
Ég lít út um gluggann, og veturinn blasir við mér. Fólk hlaupandi með húfur og trefla, krakkar með hor og gamalt fólk sniglast áfram í sköflunum.
Þetta er svo kósí veður. Það er eitthvað við svona "ástandsveður" sem yljar mér um hjartarætur. Napur vindurinn og dúnmjúkar snjóflögurnar þjóta hjá á meðan ég hita mér kakó í potti úr nýja pottasettinu sem mamma og pabbi gáfu mér á dögunum. Já þetta er svo sannarlega kósí.
Þangað til maður þarf að fara að skafa bílinn, hita hann upp og keyra af stað, og fatta að maður er hvorki á beinskiptum né nöglum. Það er ekki kósí.
Ég komst áfallalaust fyrsta spölinn en fattaði svo að ef ég færi mikið út fyrir þriggja kílómetra radíus væri ég ekkert í allt of góðum málum. Ég sneri því við og náði naumlega að komast slysalaust í eitt stæði við Njálsgötuna.
Það lítur semsagt ekki út fyrir að ég sé á leiðinni vestur eins og áætlað var.
Ónei.

Helvítis titill

2005-10-21T18:32:00.000-07:00

Ég hef verið að skoða bloggið og áhangendur þess, og hef komist að þeirri niðurstöðu að best sé að blogga á mánudögum fyrir kl 14:00. Þá er líklegast að ég nái til meginhluta þjóðarsálarinnar.. Ekki það að ég hafi eitthvað merkilegt að segja, ég eyði meiri tíma í að velta því fyrir mér hvort og hvað ég eigi að blogga en að gera það.

Framkvæmdir og fikt

2005-10-19T07:10:00.000-07:00

Æj er eitthvað aðeins að breyta til á síðunni, eða fikta öllu heldur. Þið sýnið kannski smá þolinmæði og skilning á meðan á framkvæmdum stendur.

Ritstjóri.

Vakning

2005-10-18T04:56:00.000-07:00

Ég var að fatta það bara rétt áðan hvað ég er með risavaxið nef...
Verðið bara að afsaka, þetta var ekki ætlunin.

Biggi!!

2005-10-15T04:09:00.000-07:00

Hvaða Biggi er þetta sem les bloggið mitt og skrifar í gestabókina mína 28.sept? Það gengur náttúrulega engan veginn að skilja bara eftir nafn en engar upplýsingar, ég vil vita meira!
Biggi, gefðu þig fram!

Uppkast af ælukögglum og magakrampa

2005-10-14T03:57:00.000-07:00

Oj bara.
Ég var að fatta að það er 14.október og jólin fara bráðum að koma. Í það minnsta í öllum blöðum og búðagluggum.
Það er algjörlega búið að skemmileggja þessa hátíð fyrir manni.
Helvítis.

Tilkynningarskyldan...

2005-10-05T21:07:00.000-07:00

Ég sit hérna uppí vinnu að bíða eftir að lappirnar á mér hreyfi sig sjálfar og hendurnar byrji að vinna. En fingurnir fara heldur eins og þruma um lyklaborðið og fæturnir ekkert á leiðinni að hreyfa sig neitt.
Ég fór vestur í Búðardal um helgina, og það var einu orði sagt æðislegt. Hef ekki farið þangað í hálft ár, en síðasta heimsóknin mín var einmitt á páskunum. Ég henti gíturunum, tölvunni og nokkrum fatalufsum í bílinn, og brunaði af stað. Hef aldrei keyrt þessa leið ein, en það var bara notalegt. Með besta ferðafélagann, iPodinn, í eyrunum, en skíthrædd um að hann yrði batteríislaus á miðri leið. Svo fór hinsvegar ekki.
Í Búðardal er margt búið að breytast. Til stendur að byggja 3 hús í götunni minni, þar sem áður var tún fyrir hestana hans Nonna Halls. Man þegar ég vaknaði einhverntímann við eitthvað fyrir utan gluggann hjá mér, þá voru 4 hestar í garðinum að gæða sér á grasinu okkar. Það verður sennilega ekkert svoleiðis héðan í frá. En það er kannski bara fínt, enda var svoldið vesen að koma þeim aftur inní girðingu :)
Mér til mikillar óhamingju er búið að fjarlægja Lettann "minn", og hann kominn á haugana. Ég veit ekki með ykkur, en ég neita að trúa því að hann hafi verið ógangfær! En ég viðurkenni að hann var orðinn ansi ryðgaður.. Ég er strax farin að sjá eftir að hafa ekki tekið fleiri myndir af honum þegar ég fór vestur þarna fyrir hálfu ári, en meðfylgjandi mynd er af elskunni minni, síðast þegar ég sá hann og snerti. Minningarathöfn verður um Lettann á GrandRokk í kvöld eftir vinnu. Eða sko, erfidrykkja. Aðallega drykkja samt.

Flottasta sjálfrennireið allra tíma. Lettinn minn heittelskaði. Fyrir aftan hann eru lóðirnar sem nýju húsin verða byggð á.

Ég var með helling af fötum í bílnum sem ég hef ekki pláss fyrir í litlu kytrunni minni niðrí bæ. Mamma tók sig til og þvoði öll fötin. ÖLL FÖTIN! Þetta voru 15 þvottavélar. Svo þurrkaði hún þetta, straujaði og braut saman. Öll föt sem ég á eru semsagt hrein. Þessi kona... Hún er alveg mögnuð. Talandi um mömmu mína, hún átti afmæli á mánudaginn 3.október, óska henni hér með opinberlega til hamingju með afmælið, þó ég hafi nú verið búin að knúsa kellinguna áður en ég lagði af stað suður á mánudagsmorguninn. Pabbi var nú heldur ekkert slor, hann skipti um bremsudisk á Benzanum og nú er ég ekki lengur tifandi tímasprengja í umferðinni! Ég skipti svo sjálf um dekk og verð því ekki eins og ósjálfbjarga skjálfandi lamb ef það springur hjá mér í vetur! Ónei, ég er sjálfstæð kona sem skiptir sjálf um dekk og hananú!
Laugardagskvöldið fór í gítarspil, elvislög og kojufyllerí með mömmu og pabba. Ómótstæðileg blanda.
Mikki tók vel á móti mér, held ég hafi aldrei séð neinn kött nudda sér eins mikið upp við eina manneskju og hann gerði við mig!
Með fullan bíl af hreinum fötum og bensíni, brunaði ég í bæinn og tók uppúr töskum og pokum. Ég fór og lét skoða bílinn, og fékk bráðabirgðaskoðun á hann. Hef mánuð til að kippa einhverjum smávandamálum í liðinn, og hafði hugsað mér að fara aftur vestur í þessum mánuði til að redda því.
Þetta var æðisleg helgi, alltaf ljúfsárt að koma vestur eftir svona langt hlé, en nú ætla ég að vera duglegri við að mæta á böll og aðra viðburði fyrir vestan.
Ég er búin að loka og skella í lás hérna uppí vinnu, og ætla nú að klára verkefnin sem eiga að vera tilbúin í fyrramálið.

Þangað til næst...

Hreinskilnin er mikilvæg...

2005-10-04T19:14:00.000-07:00

Heilindapróf

Í þessu prófi er eingöngu ein spurning, en hún er mjög mikilvæg. Ef þú svarar í fyllstu hreinskilni muntu komast að því hvernig siðferðiskennd þín er byggð upp. Í prófinu er velt upp algjörlega uppskáldaðri stöðu og þú þarft að taka afstöðu. Mundu að svarið verður að vera hreinskilið.

Vinsamlegast skrollaðu rólega niður og hugsaðu um hverja línu vel og vandlega.

Þú ert í Texas. Í Houston nánar tiltekið. Það ríkir í kringum þig mikið öngþveiti, því á hefur skollið mikill fellibylur og orsakað hræðileg flóð.

Þú ert ljósmyndari, þú vinnur hjá stóru dagblaði og ert í miðju þessarar hryllilegu hringiðu.

Staðan er svo að segja vonlaus.

Þú ert að reyna að taka bestu myndir ferils þíns.

Það er brak úr húsum og fólk allt í kringum þig, fljótandi í vatninu. Sumir dragast undir og koma ekki aftur upp. Náttúran sleppir lausum eyðileggjandi krafti sínum. Allt í einu sérðu mann berjast um í vatninu nálægt þér. Hann berst fyrir lífi sínu og reynir á örvæntingarfullan hátt að halda höfðinu upp úr vatninu. Þegar hann flýtur nær þér finnst þér að þú eigir að kannast við hann.

Það rennur allt í einu upp fyrir þér hver hann er.

Þetta er George W. Bush!

Á sama tíma sérðu að ólgandi vatnið er um það bil að færa hann í kaf... að eilífu.

Þú hefur tvo valmöguleika:

Þú getur bjargað lífi G.W.Bush,

Eða

Þú getur tekið myndir sem myndu án efa vinna þér inn Pulitzer verðlaun. Myndir, sem sýna dauða valdamesta manns í heiminum í dag.

Svo hér kemur spurningin, og mundu að þú verður að svara henni í fyllstu hreinskilni:

Hvort myndirðu velja hágæða litafilmu eða klassískan einfaldleikann sem svarthvítar filmur bjóða upp á?

Draumamaðurinn óskast

2005-10-01T22:51:00.000-07:00

Draumamaðurinn minn óskast.
Hann lítur einhvernveginn svona út og það væri ekki slæmt ef persónuleiki fylgdi með.
Með von um fullt af svörum og kannski eitt stykki svona kall.
Hann verður líka helst að heita Paolo eða Giovanni. Pedro og Lorenzo sleppa líka.

Brandari brandari

2005-09-29T21:23:00.000-07:00

Kona frænda míns er alltaf að kvarta undan bílnum sínum. Nú þegar það styttist í afmælisdaginn hennar þá biður hún manninn sinn um eitthvað sem kemst uppí hundraðið á 4 sekúndum. Hér er mynd af græjunni sem hann ætlar gefa henni. (Sennilega verður hann ekki langlífur...)

Úff ég veit, þetta er slappt... Kem með eitthvað betra næst!

Hafið augun opin..

2005-09-27T17:25:00.000-07:00

Ég talaði um það hér í síðustu færslu að ég væri uppfull af hugmyndum sem ég framkvæmdi ekki, en nú er ein hugmyndin komin á skrið, og á næstu fjórum vikum fáiði kannski að sjá afraksturinn í dagblöðum og á öðrum opinberum vettvangi.

Fylgist vel með...

Status

2005-09-26T04:27:00.000-07:00

Ég er stífluð í vinstri nösinni. Ég er með kvalafullan nístandi sting rétt aftan við vinstra gagnaugað. Ég er þreytt en get ekki sofið. Ég er uppfull af hugmyndum sem ég framkvæmi ekki. Ég er löt. Ég er fljótfær. Ég er með varaþurrk. Ég er svöng en hef enga lyst. Ég er mislynd - alveg hrikalega hamingjusöm og ánægð eina stundina, en hina er ég ekkert nema svartsýnin og neikvæðnin. Ég er gleymin. Ég er kærulaus. Ég er sóði. Ég er óþolinmóð. Ég vil hafa allt sem ég hef ekki, og ef mér áskotnast eitthvað af því vil ég ekkert með það hafa. Ég er eirðarlaus. Mér er kalt. Ég er þröngsýn. Ég er með fimm fæðingabletti á vinstri handleggnum en fjóra á þeim hægri. Ég er skjálfhent. Ég er einbeitingarlaus. Ég er óstundvís. Ég er eigingjörn. Ég er með heimþrá. Ég er bjartsýn. Ég er svartsýn.
Ég er Kolbrún.

Tillögur að sjúkdómsgreiningu óskast - ásamt banjói.

Banjó banjó

2005-09-26T01:45:00.000-07:00

Óska eftir vel með förnu banjói.
That's it for today !

Klukk!

2005-09-24T18:05:00.000-07:00

Haha nei sko, ég var klukkuð!

Ég var eitthvað að væla yfir því að enginn klukkaði mig, og nú þegar ég hef verið klukkuð veit ég ekkert hvað ég á að skrifa.. Ég ætla því ekkert að hugsa þetta eitthvað dýpra og skrifa bara það sem mér dettur fyrst í hug.

#1
Ég er með smá einkenni sem ég þoldi ekki þegar ég var á minni gelgju en ég er núna. Hárlínan við ennið er ekki alveg bein, það myndast smá svona þríhyrningur við mitt ennið. Þetta minnir mig óneitnalega svolítið á Mikka nokkurn Mús.. Ég er með smá sýnishorn -

The Mickey Mouse Syndrome

#2
Ég er með nikkel ofnæmi

#3
Þegar ég borða mjólkurvörur, sama hvað það er, þá get ég aldrei klárað alveg, sama hversu lítill skammturinn er. Ég fyllist ALLTAF klígju af síðustu skyrskeiðinni.

#4
Stóra táin mín er minni en táin við hliðina á henni. En það truflar mig ekkert! :D

#5
Ég er með samtals 15 göt í eyrunum.

Þar hafiði það!

Ég ætla að enda þessa færslu á að klukka Þórdísi!

Upphaf endaloka

2005-09-22T19:05:00.000-07:00

Sko. Hér eftir verður breyting á gangi mála. Ég hef ekki skrifað mikið hér inn á þetta blessaða blogg í dálítinn tíma, sökum, ja, aðallega leti. Ég var að vísu netlaus á tímabili í nýju heimkynnum mínum við Njálsgötuna, en nú er ég er komin með netið heim og hef því enga afsökun fyrir að henda ekki inn nokkrum línum af og til.

Af mér er margt misskemmtilegt að frétta, aðallega mjög skemmtilegt þó. Ég er eins og mínir nánustu vita, er ég ennþá í Iðnskólanum í Reykjavík, og er þar að klára grafísku miðlunina. Ég vinn aðra hvora viku eftir skóla og alla föstudaga á prentstofu sem heitir Samskipti, þið getið lesið allt um það góða fyrirtæki á www.samskipti.is. Þar er ég að gera ýmislegt tengt prentun og frágangi t.d. gorma, skera, plasta, gata, prenta, hanna og skanna. Vægast sagt mjög skemmtilegur vinnustaður og ég er mjög ánægð og glöð að hafa fengið þessa vinnu. Alltaf eitthvað að gerast og aldrei lognmolla í húsakynnum okkar...

Efst á baugi hjá mér er að klára námið og taka sveinspróf einhverntímann eftir áramót. Ég er svosem ekkert að flýta mér í þessu öllu saman, bara tækla þetta hægt og rólega. Mig langar mikið að taka annað sérsvið þegar ég er búin með grafísku miðlunina. Sérsviðin eru sex talsins, bókband, prentun, grafísk miðlun, veftækni, ljósmyndun og nettækni, og öll hafa þau eitthvað sem ég girnist, þetta er allt eitthvað sem mig langar til að læra. Gæti svosem staðið uppí Hallgrímskirkju ár eftir ár með hverja húfuna á fætur annarri. Fjórfaldur sveinn, það væri ekki slæmt!

Ég flutti af Bergþórugötunni í sumar, en fór ekki langt. Fór nánar tiltekið í næstu götu, Njálsgötu. Þar leigi ég lítið kjallaraherbergi. Það er ekki nema 15 fermetrar, og mér finnst svoldið fyndið að vera með þráðlaust net í svona litlu rými.
Í herberginu er lítill eldhúskrókur, tvær eldavélahellur, örbylgjuofn, mini-bakaraofn, ísskápur og vaskur. Fyrir þetta er ég að borga 34 þúsund á mánuði. Hiti er innifalinn, en rafmagnið ekki. Ég fæ 8-10 þús í húsaleigubætur svo þetta er nú ekkert svo hræðilegt.

Launin mín eru alls ekki slæm, og verða alls ekki verri eftir sveinsprófið, þá ætla ég að fara að líta í kringum mig eftir stærra húsnæði. En þangað til ætla ég að hafa það kósí í litla herberginu mínu með gíturunum mínum, tölvunni og fermingarrúminu.

Þetta var byrjunin á endalokum bloggletinnar.
Þangað til næst - sem er ekki langt þangað til!
Hafið það gott.

hmmm..

2005-09-22T16:07:00.000-07:00

Djöfullinn, ætlar enginn að klukka mig?!?!

Klósettferðin

2005-09-12T15:02:00.000-07:00

Það er eitthvað himneskt við að sitja á klósettinu og heyra íslenska þjóðsönginn úr næsta herbergi.
Áhugaverðasta klósettferð í lengri tíma.
Meira seinna.

Jarðgöng undir Kollufjall

2005-09-09T19:04:00.000-07:00

Bylgjan 09. september 17:43
Jarðgöng undir Kollufjall opnuð
Sturla Böðvarsson samgönguráðherra opnaði jarðgöng undir Kollufjall við hátíðlega athöfn klukkan fjögur í dag. Göngin stytta leiðina milli Fáskrúðsfjarðar og Reyðarfjarðar um 31 kílómetra en þau eru tæplega sex kílómetra löng. Áætlaður kostnaður við gerð ganganna er um fjórir milljarðar króna.

Hátt í 300 manns tóku þátt í Gangahlaupi sem ungmennafélögin Leiknir og Valur stóðu fyrir í gærkvöldi, í tilefni af opnun ganganna, en hlaupið var frá Fáskrúðsfirði til Reyðarfjarðar. Segir á vef Austurbyggðar að einn hundur hafi tekið þátt og líklegt sé að hann verði eini ferfætlingurinn sem hlotnast sá heiður að fara göngin á fjórum jafnfljótum.

Magnað.

Á lífi?

2005-09-02T19:10:00.000-07:00

Ég?
Nei.

Þjóðhátíð

2005-07-22T20:08:00.000-07:00

Það er föstudagur 22.júlí og klukkan er 20:08

Símtölin sem ég skrifaði um fyrir átta mínútum síðan eru yfirstaðin.

Nú er það bara að redda tjaldi!

Þjóðhátíð eða leti?

2005-07-22T20:00:00.000-07:00

Það er föstudagur 22.júlí og klukkan er 20:00

Það eru 6 ár síðan ég var í fríi yfir verslunarmannahelgi. Ég hef alltaf haldið mig til hlés og verið stillt þessa annars geðbiluðu helgi.
Ég er einu símtali frá því að vera búin að redda mér fríi í vinnunni á fimmtudag, föstudag og þriðjudag kringum helgina. Ég er einu símtali frá því að kaupa mér miðann í Herjólf og ég er um það bil 5 kílómetrum frá inngöngumiðanum í Dalinn.
Ég veit ekki hvar ég mun gista.
Ég veit ekki með hverjum ég fer í Herjólf.
Ég veit ekki með hverjum ég verð alla helgina, þó svo ég þekki slatta af fólki sem verður þarna.
Ég á ekki tjald og ég á ekki svefnpoka.

Eftir Hróarskeldu '04 veit ég hreinlega ekki hvort ég muni þola svo mikið sem einn regndropa - svo það er eins gott að það verði tussuglæsilegt veður á þessari eyju þarna!

Herjólfur 3600.-
Miði í dalinn 8500.-
Vín og aðrar veigar..... 10000.-? (bjartsýn)

Og núna ég sit hér, og velti því fyrir mér hvort ég ætti ekki bara að vera heima.

Þegar botninum er náð..

2005-07-16T11:41:00.000-07:00

...liggja þá ekki allar leiðir uppávið?
Nei - ekki þegar lyftan er biluð.
Djöfull og heitasta andskotans helvíti.
Og hvað á það að þýða að sofa til kl 9 þegar maður hefur loksins tækifæri á að sofa út?

Maríanna!

2005-07-15T04:10:00.000-07:00

Maríanna, kommentakerfið þitt er bróken, svo ég segi þetta hér:
Geturu lesið bloggið mitt núna? Var að fikta eitthvað og held ég hafi lagað eitthvað alveg fyrir hreina tilviljun...
Farðu svo að mökkast til að láta heyra í þér lúsin þín!

Þú getur bara sjálfur meikað sens!

2005-07-13T20:05:00.000-07:00

Ég er þreytt og ég er nýlega komin heim úr vinnunni. Ég var að horfa í spegil áðan, en fannst ég vera að horfa á gamla mynd af mér, og ég hugsaði með mér "Afhverju var ég svona?". Undarleg undarleg tilfinning að ranka við sér fyrir framan spegil, og fatta að myndin fyrir framan mann er að gerast í rauntíma en ekki löngu löngu áður.
Þar sem ég er farin að kannast ágætlega við sjálfa mig, veit ég að næsta eða þarnæsta færsla verður um hvað ég var ekkert að gera mig skiljanlega í þessari - en þannig er það bara.
Spurning um að fara snemma að sofa.

Vissuð þið...

2005-07-13T14:51:00.000-07:00

...að það eru fimm helgar í þessum mánuði?
Já það er dýrt að vera partýdýr þessa dagana.

Gulrætunar eru orðnað óætar og pabbi orðinn brjálaður, bless!

2005-07-12T19:37:00.000-07:00

Kettir eru sætir. Börn eru sæt. Sykur er sætur. Þetta eru allt staðreyndir sem allir þekkja. En það er eitt sem toppar þetta allt, og það er mamma mín sem er þessa dagana að læra á msn. Hún átti í mesta basli með að átta sig á kerfinu, hver væri í hvaða glugga, við hvern hún væri að tala og svo framvegis. Ofan á allt saman var þessi elska að elda, og átti í erfiðleikum með að höndla allt heila klabbið. Ég var að reyna að fá hana til að taka á móti web-cam útsendingu frá mér og það gekk á endanum. Hér kemur smá bútur:

__________________________________
Kolla says:
jæja sérðu litla hnappinn núna?
Kolla says:
við hliðina á myndinni af mér?

You have invited Guðrún Konný to start viewing webcam. Please wait for a response or Cancel (Alt+Q) the pending invitation.

Kolla says:
ýttu á accept núna
Guðrún Konný says:
hvort á ég að .... æ ég veit ekki hvað ég er að gera, suðan er komin upp á kartöflunum
Kolla says:
núna ætla ég að senda þér tilboð um að taka á móti sendingu, og þegar ég sendi það, þá áttu að ýta á accept sem er með bláum stöfum

You have canceled your invitation to start viewing webcam.

You have invited Guðrún Konný to start viewing webcam. Please wait for a response or Cancel (Alt+Q) the pending invitation.

Guðrún Konný has accepted your invitation to start viewing webcam.

Kolla says:
jæja þetta tókst!!!
Guðrún Konný says:
þetta er allt að koma, nú sé ég þig Kolbrún, frábært!
Kolla says:
þetta er alveg magnað
Guðrún Konný says:
ég vildi að þú sæir mig og pabba
Kolla says:
já!
Kolla says:
þetta eru gleraugun mín
Guðrún Konný says:
pabbi er hérna, settu gleraugun upp aftur
Guðrún Konný says:
ég er orðin svo sveitt á puttunum að ég verð að hætta bara
Kolla says:
haahhaahhahaha
Guðrún Konný says:
ég er með rauðvínsleginn lambaframpart í matinn
Kolla says:
nammm
Guðrún Konný says:
það er að segja ef ég get einhverntíma klárað að elda
Kolla says:
hahaha held það verði ekkert af því
Guðrún Konný says:
Gulrætunar eru orðnað óætar og pabbi orðinn brjálaður, bless!
Kolla says:
hahaahahah!
Guðrún Konný says:
Nú stend ég upp ég bara verð, þarf á kúka ofan á allt annað!
Kolla says:
hahahhaah já heyrumst!
______________________________
Mamma mín - þú ert langsætust!

Væri ég geðveik ef ég...

2005-07-10T22:55:00.000-07:00

færi til Indlands í 2-3 mánuði sem sjálfboðaliði?

Sjálfboðastörfin eru á afskekktum svæðum norðvestur af Rahasthan og Himalayan svæðinu.

Starf sjálfboðaliða í kennslu er eftirfarandi:
Almenn ensku- og stærðfræði kennsla í skólum.
Skapa leikvænt umhverfi og auka sköpunargáfu barna með því að kenna þeim að mála, leika ,syngja o.s.frv.
Aðstoða kennara á svæðinu við að útbúa kennsluefni sem kostar lítið og þjálfa kennara í að gera kennsluna skemmtilegri fyrir börnin.
Hver sjálfboðaliði ber ábyrgð á mætingu lítils hóps af börnum með það að markmiði að auka áhuga þeirra á skólanum og fækka þeim hóp af börnum sem hætta í skóla.
Tryggja reglubundið eftirlit barna hjá læknum á staðnum og auka meðvitund barnanna á reglubundu hreinlæti til þess að þau verði heilbriðgari.

Starf sjálfboðaliða með börnum er eftirfarandi:
Tryggja að sem flest börn á svæðinu mæti í miðstöð barna.
Persónuleg umhyggja þeirra barna sem koma í miðstöðina á hverjum degi.
Viðhalda og skrá upplýsingar um heilsu, bólusetningar, vöxt og næringu hvers barns.
Útbúa og gefa börnunum næringarríkan mat alla daga með aðstoð starfsmanna á svæðinu.
Tryggja stöðugt eftirlit með öllum barnshafandi konum og nýfæddum börnum á svæðinu og bólusetningum þeirra.
Óformleg fræðsla til barna á svæðinu og skapa litríkt og skemmtilegt umhverfi fyrir börnin með leikjum, sögum og annari skemmtilegri starfssemi.
Auka hreyfigetu lítilla barna með því að láta þau nota líkamann í hinum ýmsu leikjum.

Frítími: Í frítíma sínum geta sjálfboðaliðar sótt námskeið í yoga eða indverskri matargerð, farið í skoðunarferðir, horft á myndbönd eða lesið bók.

Hvernig líst ykkur á þetta?
Veit ég er kannski aðeins í ruglinu hérna, en mig langar..

Penni penni penni penni penni

2005-07-10T19:44:00.000-07:00

Ég á við veikleika að stríða. Pennar. Ég get ekki hent þeim í ruslið. Það eru pennar um alla íbúðina. Ég nota penna mikið í vinnunni og á það til að taka með mér þrjá til fjóra penna heim á dag, nú í 60 daga, og losa svo vasana hér og þar. Nú er svo komið að hvert sem ég lít eru minnst fimm pennar. Kannski fimm pennar á fermetra, íbúðin er 47 fermetrar, það gera 235 pennar. Það er mikið af pennum. Af og til tek ég mig til og sortera svona dót og smáhluti og ég næ einhvernveginn alltaf að komast hjá því að sjá eftir þeim í ruslið.
Ég verð annaðhvort að hætta að taka með mér penna úr vinnunni, eða læra að lifa með pennunum.

Innipúki

2005-07-10T17:06:00.000-07:00

Án efa kvót vikunnar:
"You're not fat... it's a well-established scientific fact that zips shrink in Iceland."
Já þið ráðið hvort þið trúið því eða ekki, en ég horfði á heila mynd á RÚV á laugardagskvöldið. Man ekki hvenær ég gerði það síðast.

Ætti ég að kaupa mér miða á Innipúkann?
En ætla ekki ein, þannig að þið sem eruð ekki að fara á þjóðhátið eða einhverja aðra sveitta og blauta lopapeysustígvéladrulluútihátíð látið í ykkur heyra.

Afrek dagsins

2005-07-06T22:34:00.000-07:00

[Eftirfarandi færsla er rituð sjötta júlí tvöþúsundogfimm klukkan tuttuguogtvö þrjátíuogfjögur, ritstjóri liggur uppí sófa með fartölvuna á lærunum og nýtur þráðlausa netsins í "strimla", eins og móðir mín myndi einmitt orða það]

Í dag tókst mér að:

*Vakna, sem tókst næstum því ekki - en það kostaði mig ekkert eins og allt annað sem ég gerði í dag.

*Taka bensín fyrir 3000 krónur.

*Drullast til að hringja í ökukennarann sem kenndi mér fyrir tveimur árum síðan, og fá hann til að taka með mér einn rúnt og segja mér hvort ég sé ökuhæf eða ekki fyrir 3500 krónur. (Takk Oddur)

*Læsa bíllyklana, símann, veskið og töskuna mína (semsagt lífið mitt) inní bílnum sem meint ökumat átti einmitt að fara fram í - einungis sjö mínútum fyrir komu ökukennarans.

*Ná bíllyklunum úr bílnum (það kraftaverk verður ekki upplýst hér, en ég get sagt þér það pabbi minn að það sér ekki á bílnum).

*Keyra stórslysalaust í hálftíma, ná ökumatinu, sækja um fullnaðarskírteini fyrir 3900 krónur.

*Borga skólagjöldin - 30 þúsund krónur.

Já góðir hálsar. Þetta var dagurinn sem ég eyddi pening á heimdellingshraða (nema allir í Heimdalli eru sponseraðir af tussuríkum foreldrum sínum svo þeir finna ekki fyrir því).

Þetta var innlegg mitt til netheimsins í dag.

Færsla

2005-07-02T05:21:00.000-07:00

Þegar við keyrðum að sundlaugarpartýinu og fólkið dansaði gömlu dansana eins og það ætti lífið að leysa...
Ég hélt ég yrði ekki eldri.
En svo kom á daginn að ég varð eldri, og í dag er ég nítján ára gömul.
Þetta fer að skella á.

Afmæli

2005-06-28T22:51:00.000-07:00

Þið sem mætið í þetta afmælispartý okkar megið alveg muna að þetta er líka afmælispartýið mitt. Segir sig kannski sjálft í orðinu "okkar"..
En allavega.. ekki vera hissa að ég verði kannski líka með kórónu og fái kannski pakka frá einum eða tveimur gestum.

Æj var að muna eitt lítið smáatriði.
Það les þetta enginn.

Tilkynning

2005-06-19T23:42:00.000-07:00

Ég á afmæli laugardaginn 2.júlí. Mig langar mikið til að gera eitthvað í tilefni dagsins. Þið hafið 2 vikur til að undirbúa eitthvað magnað.
Með fyrirfram þökk.
Ritstjóri.

Heimþrá

2005-06-19T22:55:00.000-07:00

...er ekki góð

17. júní

2005-06-17T22:04:00.000-07:00

Ég lét slag standa í gær og keypti mér fartölvu, eins og ekkert væri. Já svona er maður grand áðí.

Kol-brún

2005-06-09T22:54:00.000-07:00

Komin heim frá Spáni.
Þar hafiði það.

Daunillur dagur

2005-05-22T23:45:00.000-07:00

Það er ekkert verið að segja manni það að snyrtivörur renni á endanum út? Ég fann body-lotion inní geymslu sem ég fékk í fermingargjöf, og ákvað bera það á mig og lykta af nostalgíu Búðardalsáranna en það fór ekki betur en svo að ég uppgötvaði þegar ég var komin í mannmergð að ég lyktaði eins og myglað brauð eða gamalt dömubindi. Já brúsanum var hent í ruslið í snarhasti.
Hélt að rotvarnarefnagrauturinn sem þessar snyrtivörur eru myndi endast lengur en þetta.
Jájá.

Photoshop CS2

2005-05-13T01:31:00.000-07:00

Hvað haldiði! Kellingin bara komin með nýjasta, nýjasta, og þá er ég að tala um NÝJASTA photoshop! Photoshop CS2 er snilld.
Liggaliggalái :p

Spánn

2005-05-10T18:52:00.000-07:00

Langur en góður vinnudagur að baki. Merkilegt hvað tíminn líður margfalt hraðar í nýju vinnunni en þeirru gömlu. Rekstrartækni- og gæðastjórnunarpróf framundan. Í kvöld verður lesið af krafti, svo skreppur maður í próf í hádegishléinu á morgun.
Jóakim er haltur, Svenni líka. Ég er hinsvegar bara nokkuð góð.
Annars ekki mikið að frétta.. nema kannski þetta: "21 dagur og 12 klukkustundir í brottför frá Keflavíkurflugvelli.."
Við erum að tala um alvarlegt tilfelli af tilhlökkun!

Fréttir

2005-05-06T19:12:00.000-07:00

Skrifaði undir ráðningarsamning í dag.
Bara svona að láta áhugasama vita.
Jájá.

Fyrsti vinnudagurinn

2005-05-04T19:47:00.000-07:00

Ég heyrði um starfið á sunnudegi.
Ég sendi inn ferilskrá á mánudegi.
Ég er boðuð í starfsviðtal á þriðjudegi.
Fyrsti vinnudagur á miðvikudegi.
Síðustu 4 dagar hafa verið alveg hreint magnaðir.
Fyrsti vinnudagurinn var frábær!

Stuttmyndin tilbúin

2005-05-03T21:13:00.000-07:00

Stuttmyndin er komin! Gjörið svo vel!
Smellið hér

Kolbrún á samning

2005-05-03T20:00:00.000-07:00

Ég fékk vinnuna.
Ég fékk vinnuna.
Ég fékk vinnnnnnuuuuunnnnnaaaaaaa..
Ahhh gott að segja þetta..

Framtíðarstarf

2005-05-03T13:09:00.000-07:00

Ég er einu skrefi frá nýju vinnunni minni.....
Ójá.

Menningar- og heimilislegt heimili

2005-05-03T09:37:00.000-07:00

Mamma og pabbi komu í stutta heimsókn í gær, og allt í einu er eins og íbúðin líti út eins og alvöru heimili - pabbi var nefnilega með verkværatöskuna sína með sér. Við vorum búin að leggja allskonar góðgæti á borð og bjóða að gjörasvovel þegar pabbi æðir út í bíl að ná í verkfærin. Hann hendir upp stofuljósi, lagar eldhúsljósið, hengir upp spegilinn á baðherberginu og lagar rússneska stílinn á loftljósinu í svefnherberginu. Og það á mettíma. Ég passaði mig á að minnast ekkert á þvottavélina, hann hefði rokið í hana eins og skot!
Í gær sendi ég ferilskrána mína til fyrirtækis hér í bæ og eftir 90 mínútur fer ég í mitt fyrsta "alvöru" starfsviðtal (þ.e. ekki skyndibitastaður eða klukkubúð). Búin að pússa skóna, strauja skyrtuna, pressa buxurnar, blása hárið. Búin að setja vel valin verk í A3 möppu til að hafa eitthvað með mér. Það er ekki laust við smá spenning :)
Hugsið fallega til mín - mig langar svo mikið í þessa vinnu!

Afmæliskveðja

2005-04-28T14:31:00.000-07:00

Þóra á afmæli í dag! Til hamingju með daginn ;)

Námsáætlun haust 2005

2005-04-28T12:11:00.000-07:00

Braut: Grafísk miðlun
GRM105A Hugmyndavinna og hönnun
GRM115A Umbrot fyrir prent og skjá
GRM125A Myndvinnsla
GRM135A Verkferli frá móttöku til frágangs

Næsta haust byrja ég semsagt í sérnáminu - ég vil óska sjálfri mér til hamingju með það!
Til hamingju með það Kolbrún!
Hver eining kostar 2000 kr, næsta önn mun því kosta mig 40 þús kr. Styrkir eru vel þegnir.
Annars er lítið að frétta, er að ganga frá lausum endum í skólanum og þess háttar. Svo er það Spánn.
Ójá.

Framleiðsla er framleidd af fremleiðslutækjum framleiddra framleiðsluþátta... eða...

2005-04-28T11:57:00.000-07:00

Ég er kannski svona grunn í hausnum, en ég verð ringluð á að lesa glósur í rekstrartækni og gæðastjórnun
• Náttúruauðlindir – allt það sem náttúran lætur í té og notað er í framleiðsluferlinu --Ok, ég skil þetta..
• Mannauður – starfsfólkið; þekking þess, reynsla og færni ásamt persónulegum eiginleikum. -- já, ég er að fylgja..
• Framleiðslutækni – byggingar, vélar og annar búnaður sem notaður er í framleiðsluferlinu. Framleiðslutæki eru framleiddur framleiðsluþáttur --?????
Framleiðslutæki eru framleiddur framleiðsluþáttur???
Ekki alveg minn tebolli.

Heimasíða

2005-04-26T18:25:00.000-07:00

Það er allt komið á síðuna nema stuttmyndin, hún kemur fyrir helgi.
Smellið hér

Samantekt

2005-04-25T02:02:00.000-07:00

Síðasta vikan í skólanum er runnin upp. Fór í próf í týpógrafíu í morgun. Kennarinn renndi yfir svörin mín og tilkynnti mér það að ég væri með 10. En ekki hvað??
Það fer að styttast í stuttmyndina okkar, en hún ber heitir Tjillað með tjeeellingunni. Erum að klára að klippa hana og hljóðblanda, þetta verður eitthvað skrautlegt.
Svo er það bara að klára hin og þessi verkefni og skella sér svo til útlanda.
Verið þæg.

Glósur

2005-04-16T23:07:00.000-07:00

Muna:
*Ef syngja á í söngkeppni skal velja að minnsta kosti bakraddir sem halda lagi.
*Ef syngja á í söngkeppni skal ekki vera falskur

læt þetta duga í bili
fokk off

Dalalíf á páskadag

2005-03-27T07:09:00.000-08:00

13 stiga hiti, logn og sól. Londonlamb og kjúklingur í ofninum, kötturinn nýþrifinn og sæll. Gerist lífið eitthvað betra?

Rólegt laugardagskvöld í sveitinni

2005-03-26T22:20:00.000-08:00

Það er alveg óborganlegt að fletta í gegnum gömul myndaalbúm.
Þessi mynd er tekin í nóvember árið 1987, sem gerir mig tæplega eins og hálfs árs gamla.

Með troðfullan munninn af góðgæti sem Alma matar mig á, við hliðina á henni er Þorgerður amma.

Árið 1988, þegar ég var aðeins tveggja ára, var ég farin að spá svolítið í útlitið:

Ég sagði ekki að útlitið væri GOTT, en þetta er óneitanlega svolítið framúrstefnulegt!
Ég hef verið nörd frá því ég man eftir mér, og var það greinilega líka þegar ég man EKKI eftir mér, hér er ég líka tveggja ára:

Snemma beygist krókurinn

Hundaæði

2005-03-26T18:56:00.000-08:00

Það er stuð hérna fyrir vestan og hver mínúta iðar af lífi! Í dag kom vinafólk okkar í heimsókn með hundinn Snoppu, en það er ein sætasta tík sem ég hef séð! Og nú get ég ekki hugsað um annað en að fá mér hund. En það er nú ekki að fara að gerast. Mikki var nú ekki alveg jafn hress með þetta allt saman, við lokuðum hann inní herbergi á meðan á heimsókninni stóð. Þau lentu í smá slag, ekkert alvarlegt. Enginn meiddist, nema kannski ég. Mikki ríghélt í mig eins og móðursjúkur... köttur?
En hér eru myndir af Snoppu. Nú er ég með hundaæði, og kannski fæ ég mér hund, hver veit!
Jájá.

Snoppa

Snoppa forvitin

Snoppa og Sæunn

Snoppa í stuði

Vangaveltur

2005-03-25T18:04:00.000-08:00

Er óeðlilegt að hafa ekki náð ekki tveimur edrú helgum í röð síðan í september?
Ég hef svosem engar áhyggjur, var bara að velta þessu fyrir mér...

"Maybe they should try to sleep togeter!"

2005-03-24T23:40:00.000-08:00

Hahaha! Bobby lenti, slatti af fólki viðstatt ástamt fréttamönnum frá nokkrum löndum. Bobby fór inn í jeppa með Sæmundi ástmanni sínum og fleirum, og allt havaríið keyrði af stað. Allt leit út fyrir að kallinn væri bara farinn uppá hótel og allt búið... En neeeei.. Þegar allir fréttamenn voru búnir að pakka niður og farnir heim sneri jeppinn við og stöð 2 krækti sér í exclusive.

Quote dagsins: "They are war criminals! They should both be hung!"

Bobby heim - í boði Jóns Ásgeirs.

Þú ert númer - átta - í röðinni

2005-03-16T13:50:00.000-08:00

Svona byrja öll símtöl í 800-7000 og það er alveg ógeðslega pirrandi.
Svo er KB banki með eitthvað mottó sem felst í því að senda mann fram og aftur í símkerfinu og á endanum er maður búinn að steingleyma helvítis erindinu.
-KB banki skiptiborð góðan dag
-Já góðan daginn, mig langaði að athuga hvernig...
-Já hinkraðu aðeins, ég ætla að senda þig á hana Guðrúnu í þjónustuverinu.
-KB banki Guðrún.
-Já sæl Guðrún, ég hringi til að athuga hvort boðgreiðslur og ra...
-Já bíddu aðeins
*** lyftutónlist ***
*** 2 mín seinna ***
-KB banki góðan dag
-Já var ég að tala við þig áðan?
-NEI ÞETTA ER SKIPTIBORÐ!!
-Ha? já ókei, eeehh... ég var að tala við hana Guðrúnu hérna rétt áðan, gæti ég fengið samband?
-Gersovel
*** lyftutónlist ***
-KB banki Guðrún
-Sæl, ég var að tala við þig áðan um boðgreiðslur og...
-Já alveg rétt, sambandið slitnaði, afsakaðu. Já þú verður eiginlega bara að tala við Hafdísi um þetta, bíddu ég skal gefa þér samband
-KB banki Hafdís
-Já, ég var að tala við hana Guðrúnu hérna áðan, varðandi boðgreiðslur og kaup á síma og fleira þannig, var að hugsa hvernig þa..
-Já, þú verður að tala við Visa um það, hinkraðu..
*** LYFTUTÓNLIST!!!!#%$$/%%&#!!! ***
-Visa góðan dag
-Já daginn, hvernig virkar það þegar maður ætlar að kaupa sér síma með því að borga mánaðarlega, og er með kortalausan reikning?
-Síma? Jaaa, þú fer nú bara allt eftir símafyrirtækinu, talaðu við þá.
-Já en ég er búin a..
-KB banki skiptiborð
-Ha?
-KB banki SKIPTIBORÐ!!
(sjitt lendi ég aftur á beyglunni með fyrirtíðaspennuna)
-Já sæl, get ég fengið samband við Hafdísi?
-Hafdís er komin í hádegismat, hvað vantar þig?
-(hugsa vel og lengi) ehhh.... nei veistu ég man það ekki.

Ég er ekki í góðu skapi í dag.

vodafone vs síminn

2005-03-14T16:32:00.000-08:00

Djöfull sé ég eftir því að hafa ekki bara mætt í vodafone bolnum mínum á árshátíð Símans. En nei. Maður verður að haga sér. Ég var samt ekki í galakjól og með glimmer í hárinu.
Þetta var skrautlegt.

teljari

2005-03-14T05:42:00.000-08:00

munið eftir teljaranum...

Eitrað vorloft

2005-03-12T00:25:00.000-08:00

Þetta vorloft sem ég andaði að mér í síðustu færslu hefur eitthvað farið skringilega ofan í mig því að í dag lét ég klippa mig stutt. Og er með topp! Og það fer mér fjandi vel!

Næturþankar

2005-03-11T02:18:00.000-08:00

Ég opnaði út áðan og ilmurinn sveimaði í loftinu.
Gróðurinn er að hægt og rólega að ranka við sér, flugur og fagrir túnfíflar á næsta leiti.
Það er sumarlykt í loftinu!!!

Eða er þetta bara þráhyggja?

Áminning

2005-03-11T01:42:00.000-08:00

Ég vil minna á tíuþúsundasta gestinn!
Við erum að tala um verðlaun fyrir tíuþúsundasta gestinn sem kemur hingað inn.
Nú þegar hafa fjölmargir gesta minna reynt að falsa teljarann með mis-gáfulegum aðferðum. En kommon. Ég er snillingur í að falsa og fiffa myndir. Haldiði virkilega að ég fatti ekki illa falsaða mynd? Bjánar.
Verðlaun fyrir ófalsað screenshot af tölunni 10000 í teljaraglugganum hér fyrir neðan.

Clint og Tarantino hafa ekki látið mig í friði í allt kvöld. Merkikerti.

Leikhæfileikar og símsvari

2005-03-10T22:34:00.000-08:00

Já í dag gerðist margt skemmtilegt, og ég veit varla hvar ég á að byrja. Ég byrjaði daginn á því að vakna, en það var ekkert skemmtilegt, svo ég hætti því og dreif mig í skólann. Þar bjuggum við til handrit að stuttmynd sem ber nafnið "Tjillað með tjeeeeellingunni" og verður sýnd í Háskólabíói dagana 18.-20. mars. Við kláruðum handritið og byrjum á storyboard eftir helgi. Og á meðan ég man, ef einhver veit nákvæmlega hvað fótboltalagið heitir, sem minnir marga á Bjarna Fel, þið vitið... Æj enska fótboltalagið.. Hljómar einhvernveginn svona: Dudududuuuduruddududu, du duuuduruduuduuu..." Það syngja þetta allir svona sko. Allavega - mig vantar þetta lag nauðsynlega.
Eftir hádegið fór ég í starfsgreinakynningu upp í Sjónvarp, og mætti þar galvösk á slaginu þrjú. Þar tók á móti okkur maður sem fylgdi okkur aðeins um völundarhúsið, sýndi okkur hitt og þetta. Spennan í húsinu leyndi sér ekki, og eftir því sem við nálguðumst fréttadeildina magnaðist titringurinn og rafmagnið í loftinu. Við komum svo sannarlega á merkilegum degi í heimsókn. Ég sá Markúsi okkar bregða fyrir einu sinni. Hann var frekar rjóður í framan, stressaður og einbeittur á svip. Hann var ekki alveg svona einbeittur síðast þegar ég sá kappann. Jú í því tilviki var hann rjóður, en það af áfengisdrykkju. Djöfull var hann fullur.
Í þessari ferð hitti ég Líf, sem umferðin snýst um, og Guðfinn frænda minn -sem var verulega ánægjulegt. Við heimsóttum klipparann, nokkra tæknimenn, Gísla Martein, Stundina okkar og fleira í þeim dúr.
Svo tróðum við okkur í upptökur hjá Spaugstofunni. Og þar kom að því. Þar var ég uppgötvuð. Leikhæfileikar mínir fengu að njóta sín í annars örstuttu og ómerkilegu atriði. En nú ég er stjarna og mun héðan í frá taka við símtölum í gegnum símsvara, hvort sem þau eru frá nánum ættingjum og vinum, eða bara einhverjum Clint Eastwood út í bæ. Ekki missa af elliheimilisatriðinu í Spaugstofunni á laugardaginn.
Við fylgdumst með fréttatímanum og Kastljósinu í eins beinni útsendingu og það gerist.
Ég held að það sé skemmtileg helgi framundan. Þetta er allavega fríhelgi og það er fyrir öllu. Fer í klippingu til Siggu á morgun, vona ég. Árshátíð á laugardagskvöldið. Sem þýðir að ég mun ekki verða viðstödd sjónvarpstækið þegar framúrskarandi leikhæfileikar mínir trylla landann. En það er í lagi, þetta verður sýnt aftur og aftur á Eddunni.
Pilates í fyrramálið kl 10. Hver nennir með? Enginn? Nei. Hélt ekki.
Verið góð.
Yfir og út.

búúúzzzzzt

2005-03-09T13:26:00.000-08:00

Ég er frekar nákvæm manneskja. Ég vil að rétt sé farið með staðreyndir, minnstu villur fara í taugarnar á mér, hvort sem þær eru mikilvægar eða ekki. Mér finnst ég ekki geta gert neitt nema vita nákvæmlega hvað ég er að fara út í, hvort sem það er næsta verkefni i skólanum eða einhver uppskrift. Slatti af þessu og slumpur af hinu, það gengur ekki fyrir mig. Einn bolli hveiti. Hvað kemst mikið í einn bolla? 2 dl? eða 3 dl? Eða hvað er bolli - svona almennt? Er bolli með handfangi? Eða er það fantur? Kannski krús? Allavega - ef ég svo lími uppskriftina í heilann, og man hana, þá er allt í góðu lagi. Ég þoli semsagt ekki að kunna ekki eitthvað, og það hefur hrætt mig frá því að prófa allskonar hluti - eins og til dæmis boost.
Það var því stórt skref fyrir mig að prófa mig áfram í boost-heiminum, þar sem allt snýst um að slumpa á helst allt saman. Ég smakkaði mjög góðan boost (mamma, það er hræringur, sett í einskonar hrærivél) í Baðhúsinu fyrir nokkru síðan, og mér fannst hann svo góður að ég ákvað að reyna þetta heima. Ég vildi að sjálfsögðu fá sömu útkomu heima hjá mér og uppfrá. Ég spurði afgreiðslustúlkuna hvað væri í honum og hún sagði mér það. "Ein dós vanillu skyr.is, hálf pera, hálfur banani, smá appelsínusafi, smá kókosmjöl og slatti af klökum!" Afgreiðsludaman hélt að hún væri nú laus við mig og sneri sér að næsta kúnna. En ég var enn í lausu lofti. "Hálf pera? Hva, stór pera eða...?.. Og kókosmjöl? Ein teskeið eða matskeið eða bolli (hvað sem það nú er)? Og heyrðu, klaki! Hvað seturu marga?" Stelpan hélt ég væri að grínast en svaraði eftir bestu getu. Svo var ég frekar hissa á því að appelsínusafi væri notaður í svona skyr-hræring. Ég, fröken "ég-veit-allt" spurði hana hvort hún væri viss um að það væri heil ferna af appelsínusafa í þessari uppskrift, þar sem safinn er mjög súr, og skyrið mjög basískt. Hún sagðist ekkert vita um það, bara að hún gerði þetta alltaf svona.
Svo ég fór heim og þetta heppnaðist bara ágætlega - hvort sem það var nákvæmum upplýsingum að þakka eða ekki.
En ég er allavega búin að finna minn uppáhalds búst hingað til, þó ég hafi ekki prófað margt. Ég veit að ég er ekki að finna upp hjólið, en fyrir þá sem eru svolítið eins og ég, með mælieiningafetish, þá er mín uppskrift hér:

1 vanillu skyr.is
1/2 meðalstór pera
1/2 meðalstór banani
2-3 jarðarber
2-3 dl appelsínusafi (Chiquita safar eru líka góðir, sérstaklega með gulrótum, sítrónum, appelsínum og þannig framaná. Fæst örugglega ekki í Búðardal.)
1 matskeið kókosmjöl
1 matskeið hörfræ (gefa lítið sem ekkert bragð, en eru meinholl - meltingakerfið krakkar mínir!)
10-15 klakar (fer eftir því hversu kalt þú vilt hafa þetta og hversu þykkt)

Skera ávextina niður í litla bita
Ef um glerblandara er að ræða, þá er í lagi að demba öllu í blandarann og hræra allt vel saman, en ef maður er með blandara úr plasti, er betra að byrja á klökunum og hörfræunum (svo þau tætist vel í sundur) hægt og rólega, svo skyrið og svo koll af kolli, ávextina, safann og kókosmjölið.

Þetta gefur hálfan lítra af endurnærandi orkugraut, alveg ótrúlega gott og hollt að sjálfsögðu, og endalausir samsetningarmöguleikar!
Vona að einhver hafi gagn af þessu, og mamma, þú verður að eiga svona blender, það er ekki hægt (held ég?) að gera þetta í hrærivélinni!
Langbest með röri!
Skál!

Þriðja færsla dagsins.. ég veit -ég er nörd

2005-03-08T16:05:00.000-08:00

DV í dag: "Steinunn borgarstjóri tognaði á skíðum og fékk verkjalyf!"
Og??
HVAÐ er fréttnæmt við þetta?? "Og fékk VERKJALYF!"
Þetta er svona eins og frétt í ímyndaða fréttablaðinu mínu sem ég gerði í Microsoft Publisher þegar ég var 12 ára.

Önnur færsla dagsins

2005-03-08T12:55:00.000-08:00

Það er merkilegt, að þegar ég sit hérna í kennslustofunni, og ætti að vera að grúska í "Kennsluhefti fyrir Access", þá sprettur upp einhvern þörf til að skoða öll blogg í heimi. Eða blogga eitthvað óvenjulega mikið. Eða plana sumarfríið! Ég er á bls 17 af 50 í þessu kennsluhefti, og hjakka í sama farinu í flúorlýstri stofunni. Ég er ekkert heimsk sko, frekar vel gefin og fljót að læra. Málið er, að ef ég er í rétta skapinu myndi ég klára þessi verkefni á svona hálftíma - 40 mín. Afhverju gerist það ekki í kennslustundunum sjálfum?

Bjargvættur dagsins: Gevalia.

Í gær

2005-03-08T12:12:00.000-08:00

Í gær gerðist svoldið sem gerist ekki oft. Allavega ekki lengur. Ég fékk essemmess. Og það frá númeri sem ég kannaðist ekkert við. Sérdeilis merkilegt! Þetta er ekki búið enn. Þetta var ekki bara eitthvað essemmess frá einhverjum. Þetta var essemmess sem ég kýs að kalla:
"Furðulegasta essemmess lífs míns."
Svo furðulegt var það. Og svona hljómar það:

"Njósni nenni neikon hér!
Jarlinn af Reykjanesborg."

Ef þetta er eitthvað dulmál, þá er ég bara ekki að fatta það.
Help?
Anyone?

vonn off ðós deis

2005-03-07T14:22:00.000-08:00

Oh þetta er einn af þessum dögum. Vakna seint, er ekkert endilega illa upp lögð, veit bara að það verður ekkert mikið úr deginum. Er hálf orkulaus afþví ég fékk mér ekki morgunmat, Er með samviskubit fram eftir degi af því ég veit að dagurinn byrjaði ekki á hefðbundinni rútínu. En vikan verður góð.
Helgin var fín, bara róleg. Vinnuhelgi, en ágæt þrátt fyrir það.
Fríhelgi næstu helgi og árshátíð. Það verður stuð.
Nennekkimeiru.
Photoshop bíður.
Verkefnið heitir "Hamfarir í byggð á Íslandi". Sé fyrir mér flóð niður Skólavörðustíginn. Múhahah.

Merkir atburðir í fatavali

2005-03-03T16:05:00.000-08:00

Í dag er ég í góðu skapi. Í dag er ég í ógeðslega gulum bol. Það gerist ekki oft.

Sko mig!

Blóm...

2005-03-02T02:47:00.001-08:00

Í færslunni hér á undan segi ég "mín fyrstu blóm".. Verð að leiðrétta það þar sem ég hef oft fengið blóm, t.d. frá tónlistarskólanum og bankanum og fleiri opinberum stofnunum. Jú og einu sinni áður fengið blóm frá einstaklingi, en förum ekkert nánar út í það.
Æj hvað er ég að fjasa!

Í dag

2005-03-01T20:10:00.000-08:00

Í dag er ég glöð. Í dag fékk ég blóm - upp úr þurru! Í dag fékk ég mín fyrstu blóm. 1. mars 2005 var góður dagur!

Þrífarar

2005-02-28T19:00:00.000-08:00

Já það er nú ekki á hverjum degi sem maður finnur þrífara, en hér koma þeir.
Það eru þær Rachel Weisz, Norah Jones og Shannyn Sossamon.
Magnað!

Kiddi

2005-02-25T14:59:00.000-08:00

Nú er elsku Kiddi allur. Hérna eru nokkrar myndir af kallinum.
Sofðu rótt :*

Vertu öðruvísi

2005-02-24T14:41:00.000-08:00

2.og 3. mars n.k. verða öðruvísi dagar í Iðnskólanum og af því tilefni gerði ég þetta A3 veggspjald sem er bara of töff.
Hilmaur og Ölli fá sérstakar þakkir fyrir að vera öðruvísi.
Látið nú hrósin dynja á mér.

tíuþúsund

2005-02-24T08:44:00.000-08:00

Brátt fer að líða að því, að tíuþúsundasti gesturinn detti inn. Hafið teljarann endilega í huga á næstunni.. Sá sem nær screenshotti af teljaranum í tíuþúsund fær verðlaun.
Eins og venjulega ætla ég að enda bloggið á einhverri von.
Með von um þáttökku, meðvitund og screenshot í tíuþúsund.
Kolla.

Til mömmu og pabba

2005-02-23T02:51:00.000-08:00

Mamma! Pabbi!! Mér finnst vægast sagt ósanngjarnt að þið kommentið bara á færslur hjá Halla frænda. Hann er (var) kannski skiptinemi í Bandaríkunum, en ég er nemi í Reykjavík, og líka langt frá heimahögum! Nú eruð þið loksins komin með ADSL í sveitina! Til hamingju með það! En það þýðir líka að þið verðið að kommenta eitthvað hjá mér! Þið smellið á Comment (neðst, undir hverri færslu) og skrifið eitthvað skemmtilegt, allra helst eigið þið að dásama mig í bak og fyrir og segja hvað ég er yndisleg og æðisleg!
Hérna fáiði koss frá mér :*

Með von um komment!
Kveðja
Kolbrún! :)
(þetta var broskall, snúið hausnum til vinstri, og voila! Þá sjáiði hann)

boddí pömp

2005-02-22T14:15:00.000-08:00

Jæja... boddípömp kl 19:35 í kvöld.. Hver þorir með?!?!

Góugleði og fleira

2005-02-22T13:19:00.000-08:00

Mmmmm... þessi þoka er eitthvað svo kósí. Og svo góð lykt í loftinu..
Og nú að minna væmnum hugleiðingum.
Á föstudagskvöldið var farið á Góugleði VG. Sé mjög eftir að hafa ekki tekið myndavélina með. Mjög skemmtilegt kvöld, góður matur og vel heppnuð skemmtiatriði. Þó fannst mér leikþátturinn sem ég, Stengrímur J, Ögmundur, Svenni og Halla lékum í bera af. Hjálmar Hjálmarsson var líka fínn. Halla var veislustýra og hún stóð sig mjög vel í því hlutverki, eins og hennar var von og vísa. Þarna hitti ég margt skemmtilegt fólk, þar á meðal Svein Rúnar frænda minn og fjölskyldu hans sem ég hef ekki hitt í alltof langan tíma. Svo hitti ég líka mann, sem ég vil meina að sé verðandi vinnuveitandi minn. Ég sótti um á servíettu, skrifaði nafn og símanúmer, kennitölu og allt það á hana, sem hann lofaði að snýta sér ekki í. Það kemur svo vonandi í ljós á næstu dögum hvort sú varð raunin.
Meira af því síðar.

Djöfull er ég hörð

2005-02-17T14:10:00.000-08:00

Ég er DAUÐ í skrokknum eftir geðbilaðan Body Pump tíma í gær. Bókstaflega DÁIN í öllum mögulegum og ómögulegum vöðvum líkamans! Þegar ég ætlaði fram úr í morgun hélt ég að ég væri lömuð! Svona á þetta að vera!
Það er nóg að gera í skólanum, eins og alltaf. Er að vinna í heimasíðu sem verður bráðum tilbúin. Þessi verður mikið flottari en sú sem ég gerði í fyrra. Það verður að minnsta kosti skemmtilegra efni á þessari, og útlitið mikið betra. Þegar heimasíðan er tilbúin tekur stuttmyndin við. Endilega komið með góðar (en ekki hvað?) hugmyndir að stuttmynd. Höfundar bestu hugmyndarinnar fá að vera með á kredidlistanum - jibbí! Svo þarf ekkert að koma með fullunna hugmynd, það má líka bara reyna að virkja hugmyndaflugið mitt einhvernveginn..
Vinnuhelgi framundan... Piff.. Væri alveg til í að eiga allar helgar fríar, en það þýðir víst ekkert. Á morgun verður farið út að borða á Maður lifandi og eftir það er ég svo að fara að farða fjórar litlar hnátur sem eru að fara að dansa á freestyle keppninni. Það verður eitthvað skrautlegt. Þær eru víst titilverjendur. Ekkert slor það.
Eftir vinnu á laugardaginn er planið að fara í eitthvað VG matarboð, veit ekki nákvæmlega hvert tilefnið er, en þetta verður eflaust skemmtilegt. Svo er það bara 13 klst vakt á sunnudaginn í þessu ógeðslega fasista fyrirtæki sem ég vinn fyrir, það verður varla meira úr þeim deginum. Já, mig vantar aðra vinnu, best að koma því að. Maður veit aldrei hver les þetta blessaða blogg.
Annars er ég bara að fara í rekstrarfræði eftir smá stund. Þar er ég í þroskaheftasta hóp sögunnar, flestir þar inni eru ennþá að henda strokleðrum um alla stofu. Ekki í mig samt, það þorir því náttúrulega enginn -múhaha. Ég myndi ekki vilja lenda í mér. En þetta er frekar þreytandi. Er ég eitthvað að misskilja? Er ég kannski svona hörmulega leiðinleg að vilja smá þögn, þó ekki væri nema til að heyra í kennaranum? Kannski það.
Eftir ræktina í kvöld fer ég svo að horfa á vídjó í svona 3-4 klukkutíma, og fæ sirka 2000 kall fyrir það. Mjög þægilegt að passa svona góðan krakka :)
Jóakim er hættur að koma heim með vettlinga í bili. En í gær sá ég hann með eitthvað sem ég kannaðist ekki við. Það var dökkt á litinn, blautt og slepjulegt og hann japlaði á því af bestu lyst. Ég óttaðist að hann væri að japla á görnum úr einhverju ógeði, veit ekki hverju. Maður ímyndar sér alltaf það versta. En þetta var nú bara saklaust fiskiroð sem ég hef ekki hugmynd um hvar hann náði sér í! Þvílíkur bjáni sem maður á fyrir kött.
En í lokin eru hér tvö verkefni fyrir þig lesandi góður:
1. Redda mér góðri og skemmtilegri vinnu með skólanum.
2. Koma með frábæra hugmynd að stuttmynd, helst tilbúna á story board..

Ég vil ekki koma að kommentunum tómum!
Með von um góðar viðtökur.
Kolbrún.

Egils Lite í boði Símans?

2005-02-16T13:20:00.000-08:00

Nei mér bara svona datt þetta í hug..

Laugardagspistill

2005-02-12T20:30:00.000-08:00

Vá það er laugardagskvöld og ég er ekki að fara að djamma. Það er kalt og ógeðslegt. Jóakim sat úti í dag og fylgdist með svífandi snjókornunum, og átti í erfiðleikum með að fylgja einhverju einu eftir. Á meðan horfði ég á spólu undir hlýrri sæng og lét fara ljómandi vel um mig. Myndin (Perfect Murder með Michael Douglas, Gwyneth Paltrow og Viggo Mortensen) var ágæt, en ég hefði viljað sjá annan mann leika hlutverk Michaels Douglas. Það er eitthvað við leikarann sem fer í mig, hann er of augljós, sérstaklega í hlutverki "vonda kallsins". Ágætt plott og fín afþreying. Í gærkvöldi horfðum við á Fight Club sem er alltaf jafn góð, eiginlega bara betri og betri. Finnst það alveg ótrúlegt að þessi mynd hafi ekki fengið fleiri verðlaun en fyrir bestu hljóðblöndunina. Þetta er t.d. ein best klippta mynd allra tíma, og leikstjórnin er líka framúrskarandi. Ég fékk því nettan pirring þegar ég aflaði mér upplýsinga hvaða mynd fékk öll verðlaunin, en það var engin önnur en Shakespear in Love. Alveg ótrúlega óskiljanlegt. En nóg um það hneyksli.
Þóra og Hrappur sirkusköttur á þriðju hæðinni eru að flytja, ef þau eru ekki hreinlega búin að því. Það er frekar dapurlegt, þar sem þau voru alveg hreint ágætir nágrannar. Það væri dæmigert ef eitthvað hvítt rusl flytti inn. Svo er þetta líka leiðinlegt fyrir Jóakim, því hann og Hrappur voru mestu mátar og léku sér mikið saman. Hrappur eyddi ómældum tíma hér hjá okkur og við eigum eftir að sakna hans. Ef næstu nágrannar verða eitthvað bansett hvítt rusl tek ég mér það bessaleyfi að drepa þá án viðvörunar.
Þar hafiði það. Beware of the anusfruss you white trailertrash fuckers.

Hmmm

2005-02-12T01:38:00.000-08:00

Já.. alveg rétt...
Það er komið nýtt útlit á síðuna... kommentið eitthvað hreinskilið áður en Vala Matt kemur að drulla yfir pleisið.

Símaleysi

2005-02-11T12:31:00.000-08:00

Ég gleymdi símanum heima hjá vinkonu minni í gær. Nú er ég ekki með síma. Það er þægilegt. Ég er að hugsa um að sækja hann ekki.

EPP

2005-02-11T11:43:00.000-08:00

Efnis- og pappírsfræði er án efa afslappaðasti tími vikunnar, og það er lang mestum hluta kennaranum að þakka. Ekkert stress og ekkert vesen er einmit það sem maður þarfnast í lok vikunnar. Í dag fórum við í smá túr í prentsmiðju GuðjónÓ í Þverholti, og það kom mér á óvart hvað andrúmsloftið þar var afslappað og þægilegt, þrátt fyrir yfirgnæfandi hávaða prentvéla og fleiri tækja. Eftir tímann sníktum ég og tvær aðrar stelpur far heim með Þóru kennara, en hún var sko ekki á því keyra okkur heim strax. Stefnan var tekin á Norræna húsið þar sem við fengum okkur smá hressingu. Ekki skemmir fyrir að Þóra er tengiliður Iðnskólans við Leonardo styrkinn góða, sem gæti aldeilis komið sér vel ef ég tek starfsþjálfunina í útlöndum, sem ég mun mjög sennilega gera, því fyrirtæki á Íslandi eru með nemendafóbíu og þora ekki að taka sjensinn á nemum í starfsþjálfun, þora ekki að taka áhættuna á nýju og fersku vinnuafli, duglegu og vinnufúsu fólki sem gæti bara mögulega haft góð áhrif á starfsemi þeirra og þetta er alveg ótrúlega löng og leiðinleg setning.
Svo allt í allt: Góður endir á góðri viku!
Góða helgi!

Stinky stinky

2005-02-08T16:10:00.000-08:00

Er með alveg ógeðslegan hálsríg, aðallega framan í hálsinum.. Furðulegt. Lenti í því um daginn að geispa frekar harkalega og þegar ég hafði lokið mér af fékk ég einskonar krampa í hálsinn og uppskar þennan fína hálsríg. Ekki gott.
Er í skólanum, og sit við hliðina á strák sem lyktar miður vel. Ef ég blogga ekki innan 10 daga hefur það orðið mér að aldurtila.

Óhæfur dómari

2005-02-07T02:07:00.000-08:00

Nýlega var kveðinn upp dómur yfir manni sem á sínum tíma áreitti 12 ára dótturdóttur konu sinnar kynferðislega. Dómurinn var mildaður vegna þess hve maðurinn var "gamall og hjartveikur". Hann var ekki of gamall til að perrast í 12 ára gömlu barni. Og ekki of hjartveikur til þess heldur. En hann er of gamall og hjartveikur til að taka út fulla sekt. Kemur það á óvart að dómarinn í þessu máli er sá sami og dæmdi í "hún reitti hann til reiði" málinu?
Hvað eru svona manneskjur að gera í réttarkerfinu?

Fjörfiskur

2005-02-07T01:23:00.000-08:00

Ég er búin að vera með fjörfisk í nokkra daga, undir vinstra auganu. Ekkert óvön þeim leiðinlega kvilla, en var nóg boðið þegar kvikindið fór að sprikla fyrir ofan hægra augað líka! Báðir í einu semsagt. Mikið "fjör". Ég kíkti í spegil svona til að sjá hvort þetta væru virkilega kippir, eða bara ímyndun í mér. Kippir voru það, alveg á fullu í báðum augum. Frekar spúkí. Sjúkdómsgreiningin, ef svo má kalla, er eitthvað í þá áttina að þreyta, álag og andleg streyta geti komið þessum samdráttum af stað. Spurning um að hægja á sér? Hahahha já einmitt.

Veikindi

2005-02-05T04:08:00.000-08:00

Fræði dagsins: Það er ekki gaman að vera veik.
Og Kaldaljós er góð mynd.

Ohhh hvar eru lyklarnir mínir??!

2005-02-02T01:47:00.000-08:00

Þessa setningu segi ég stundum. Ekki oft, en það kemur fyrir. Til dæmis í morgun var ég að fara í skólann, og komin með allt -nema lyklana. Ég þurfti ekki að leita lengi þangað til ég fann þá, en engu að síður tafðist ég um allavega tvær mínútur. Maður getur ekkert farið án lyklanna sinna, og verður bara að gjöra svo vel að dúsa heima ef maður er ekki svo lánsamur að finna þá.
Um daginn heyrði ég umhyggjusama móður kalla á eftir stráknum sínum "Ertu með lyklana?!" Sjö eða átta ára snáðinn hrópaði já og hljóp í skólann. Þegar ég sá þetta fór ég að rifja upp hvenær ég fékk að hafa lykilinn að húsinu heima í Búðardal, og ég held ég sé ekki að skrökva þegar ég segi að ég hafi aldrei þurft að hafa hann. Enda var aldrei læst -nema rétt svo yfir nóttina. Jú og þegar Steingrímur Njálsson kom í þorpið, þá læstu allir öllum hurðum og lokuðu fyrir glugga -en það er önnur saga.
Það kom mér á óvart hvað það er notaleg og góð tilfinning að rifja upp tímana þegar maður átti hvorki lykla né farsíma, þegar maður þurfti hvorki að læsa sig inni fyrir samborgurum sínum né láta flest tjáskipti fara fram í farsíma eða tölvupósti. Eða bloggi.

Nokkuð gott

2005-02-01T20:06:00.000-08:00

Ég mæli með þessu.

Anusfruss Industries tekur að sér stórt verkefni

2005-01-27T14:15:00.000-08:00

Eins og allir vita er ég myndvinnslu snillingur og nýlega landaði ég risaverkefni fyrir hljómplötuútgáfuna Hnakkus Recordz. Hnakkus hefur komið víða við og hefur ákveðið að leggja pólitísku rappsenuna undir sig. Ég var fengin í það verkefni að hanna plötuumslag sem hæfir fyrstu plötu þessa verðandi hljómplöturisa. Nú er fimm mánaða vinnu lokið og afraksturinn má sjá hér.

Njótið vel

Þessi færsla var í boði Hnakkus Recordz ©.